【記者梁洵瑜報道】「我日日起身就飲酒，飲十幾支大啤，然後就攬住隻狗係度喊。」患有抑鬱症及酗酒問題的陳小姐形容當時自己的生活與死人無異，「飲完酒就鬧老公、打爛屋中所有嘢，除咗部PLASMA（等離子電視），因為好貴唔捨得。」每日都想自殺，飲完酒坐在窗邊，好想醉後「跌落街跌死」。
飲酒過度胃酸倒流
本港醫學界估計有接近十萬名抑鬱症患者，同時有倚賴酒精的酗酒問題。三十四歲的陳小姐於過去一年，受到嚴重抑鬱及酗酒影響，每天睡醒後就沉醉在酒精中，日飲十多支大啤，「我日日連續咁飲，飲足一年，當時真係好想就咁飲死就算。」
陳小姐在酒後更做出很多意想不到的事，曾試過醉後「去奶奶屋企殺咗佢」，買了涼茶，「想用個樽扑佢。」幸好最後只決定「嚇吓佢就算」，並一口氣道出了對家姑不滿。過去一年，她沒有一天不飲酒，若沒有酒時，「行半個鐘都要買。」天天買十幾支啤酒「練得手瓜也起𦟌」，還因飲酒過度而出現胃酸倒流。後來醫生給她服藥後，倚賴酒精情況改善，抑鬱也漸漸減輕，「𠵱家心情鬆咗好多。」
酒精具有安眠作用
中文大學精神科學系教授李誠說，陳小姐是典型同時患有抑鬱與酗酒問題的個案，「醫學上面抑鬱同酗酒係孖公仔，好多抑鬱病人都會飲酒消愁。」酒精具令人開心及安眠作用，也可暫時逃避現實，但愈飲愈倚賴，無論是否有情緒毛病人士都不應以酒精來解愁。
抑鬱症患者的男女比率，分別急升至三成二及一成八，以此推算本港有近五萬名男性及四萬六千多女性的抑鬱患者受酒癮困擾。