民建聯副主席譚耀宗自從九七年開始被老董委以重任，出任安老事務委員會主席後，唔經唔覺已經坐咗呢個位成八年咁多。喺政府要求嘅「六加六原則」（即係最多坐六個委員會，最長坐六年）下，譚Sir預計自己今年七月任期屆滿都會俾人叮走。
公職多多嘅譚Sir當然唔介意坐少一兩個委員會，但原來「安老會」嘅副主席係衞生福利及食物局局長周一嶽；堂堂一個局長竟然under自己喎，難怪譚Sir都話個位好有power，肯定有啲唔捨得啦！
譚Sir一向比較吃得開，港英時期都有得玩，回歸後係老董愛將，皆因佢密實兼穩重，加上身兼民建聯同工聯會頭頭，勢力之大不可忽視。如果煲呔真正變成愛國愛港人士，譚耀宗日後仍會係搶手貨。
傳真︰2623-9278
電郵︰[email protected]