《文匯報》自從大革新之後，版面同《蘋果》有得揮，既七彩，圖片亦大大張。最近更有唔少獨家料，好似電盈買SUNDAY，就最先報道。
聽講當日唔少國際通訊社都有轉載，《文匯》老頂當然好高興，於是有人問，爆新聞嘅記者雷美珍係咪應該有獎金，以示鼓勵。
呢個問題肯定考起大家，因為有人話過，有三間通訊社引用，獎金就有成十萬。嘩，係真嘅就肥過肥仔咯。
回歸之後時移世易，好多政府古仔都由親中報先爆，親英冇份，真係唔恨得咁多。至於隻古仔，有人話係雷美珍跑財經八卦新聞嘅老公阿Ben郭家傑嚟料，八方問肥仔Ben，佢話梗係唔關佢事，有料都畀自己《南早》爆啦。
傳真︰2623-9278
電郵︰[email protected]