本地潮人趨之若鶩嘅I.T，噚日出咗上市後第一本年報，八方當然要先睹為快，佢本年報一貫I.T嘅風格，由封面到封底都係黑色，就連內頁，都係清一色嘅黑色！唔知I.T係唔係搵埋同一個設計師，幫佢哋設計呢本年報呢？
睇年報當然唔可以睇漏董事薪酬嗰頁，八方發現，兩名執行董事，一個年薪係介乎四百五十萬至五百萬，一個就介乎三百萬至三百五十萬，照常理推斷，呢兩個人應該係公司主席沈嘉偉，同埋佢個細佬、即公司執行董事沈健偉，都算克己。
其實過百萬年薪對佢哋嚟講好濕碎，因為沈嘉偉連同細佬加老婆邱淑貞，三人合共獲派二千八百八十九萬六千蚊股息，唔怪得咁多人想做上市公司主席。
傳真︰2623-9278
電郵︰[email protected]