由吳君如同森美做主持嘅《先睇星期四》早前同章小蕙做咗個電話訪問，前排有報道話章小蕙唔理一身債務遠赴美國生活，對於俾人話逃債，章小蕙喺節目度澄清自從零一年官司之後已經冇再欠債，佢又話之前去美國睇到一間好鍾意嘅屋，咁多年佢都冇向屋企人求助，但佢今次為租呢間屋要向爸爸借錢。