香港興業係愉景灣大地主，多年嚟搞得有聲有色，吸引唔少外籍客進駐。蘭西剛收到一份《愉景動態》刊物，發現發展商竟自揭非法經營接駁巴士服務，唔通唔驚政府郁佢？
愉景灣原本設有往來尖沙嘴嘅接駁巴士，重好受居民歡迎㖭，後尾政府提出警告，話係非法經營，所以惟有終止服務。雖然政府安排過另一條往來小蠔灣同紅磡火車站嘅城巴線，但使用率就低好多。香港興業方面話，已向政府爭取，重開往來尖沙嘴嘅巴士服務，𠵱家等緊政府回覆。
另外，由於地鐵欣澳站投入服務，香港興業做咗一個調查，訪問到一千多受訪者，八成七話，會轉去欣澳站搭地鐵，只有九巴仙繼續選擇到東涌站轉車。
區內嘅乘客諮詢小組及城市業主委員會，已經向政府提出，增設欣澳站專車服務，咁住客去市區嘅時間縮短咗，車費又可以平啲。
電郵地址：[email protected]