煲呔一遞提名表，特首補選遊戲馬上結束，不過唐唐可能要坐到七月先甩身，因為任命需時。
煲呔上個星期見會計界時，口口聲聲話會同佢太太澳門娘家揸fit人何厚鏵跟進澳門離岸公司政策影響香港稅收嘅問題，但係鏵哥說時遲，那時快，上星期已拍板收緊政策，噚日開始停止接受香港部份行業喺澳門設離岸公司。
八方嘅朋友話，咁做先啱數。佢記得以前英國人同葡萄牙人好識做，唔會搶飯食，香港做金融發達，澳門搞賭，點會出現回歸後，香港要喺大嶼山搞賭場，澳門畀香港公司公然去避稅嘅情況。
澳門經濟財政司譚伯源講得坦白，澳門𠵱家經濟已冒熱，唔使再搞咁多優惠政策。八方聽聞，呢單嘢由署理特首唐唐親自去澳門同鏵哥傾掂數。政府官就話呢件事經由好多不同層次嘅人去傾，「唐何會」就未能證實喇。
爆料熱線：29290000、27860099
報料傳真：26239278
報料電郵：[email protected]