劉浩龍、利嘉兒及陳秀珠昨日到港台接受鄧萃雯有份主持的節目《性在有心II》訪問，暢談性愛問題，雯女為各人準備了不同的禮物，利嘉兒收到一個放大鏡及一本書，寓意她要用放大鏡看清楚男友周國豐的優點與缺點，而劉浩龍則收到一支棒球棍、啞鈴及名為《乘性追擊》的書籍，叫他如精力過盛就做運動解決。
問劉浩龍會否大方談初夜，他說：「如果佢哋問咪講我十幾歲第一次囉，不過其實我想問比較學術性嘅問題，好似乜嘢係包皮過長，因為我由細到大都未睇過，我父母已經幫我決定咗有冇包皮。」而陳秀珠則說：「性教育係好緊要，我個仔𠵱家六歲，睇到電視有錫嘅鏡頭佢都話要錫錫，又話要同我結婚。」利嘉兒可算是最保守的一個，當談到性問題時，她只笑言：「吓！我乜都唔知㗎，答唔知就最好㗎啦。」
採訪、攝影：胡比