按摩挽手一味靠屈?<br>周汶錡殺出個有錢Uncle

按摩挽手一味靠屈?
周汶錡殺出個有錢Uncle

名模周汶錡昨日往佐敦出席Dior眼鏡活動,對於成為雜誌封面及被指向富商大獻殷勤,不時做出蹺手及按摩動作,周汶錡昨日澄清該名富商是她的uncle,更謂身在圈中明白遊戲規則,這類報道不容易激怒她,但最不開心是影響長輩。

名模周汶錡(Kathy)、樂基兒及兩名外籍模特兒昨日往佐敦一眼鏡店,示範一系列Dior太陽眼鏡。又成雜誌封面人物的Kathy,有報道指她在上海一活動上,專向中年富商埋手,又拍得她身穿低胸裙挽着富商的手臂及替對方按摩,昨日Kathy一見記者即說:「我唔回應,我唔想幫本雜誌做宣傳,𠵱家啲風氣愈嚟愈差,寫嚟寫去都千篇一律,好無聊。」

「佢哋明屈我」

Kathy續說:「佢哋明屈我,乜嘢按摩啫,其實我係喺uncle後面,睇吓用手機影完嘅相,我uncle係做生意嘅人,咁樣亂寫會影響到佢。我做模特兒,喺呢個圈就要接受啫,但係影響到佢老人家我就最唔開心。」問照片中男士是她哪個親戚?Kathy說:「係我乜嘢親戚唔需要同人解釋,不過佢哋咁樣做唔會激嬲到我,喺呢行好難話全部抵制,佢哋為咗賣書,明知唔係事實都要亂寫。」

有散光加鏡片

而同場的樂基兒則大談太陽眼鏡經,她說:「我因為有散光,所以每副太陽眼鏡都要再加裝鏡片,同埋我最鍾意去fleamarket揀特別款式嘅太陽眼鏡。」
採訪、攝影:DebbieLum

有雜誌指周汶錡專向富商埋手,周稱不易被這類報道激怒,只怕影響他人。

樂基兒表示會到fleamarket找尋特別款式的太陽眼鏡。

樂基兒示範太陽眼鏡時,擺出趣怪表情,非常cute。

模特兒以Dior服裝配同品牌的墨鏡,型格十足。