當大家熱切期待黃油蟹之時，在這6月中旬，其實已有一種集肉蟹與膏蟹優點於一身的赤油蟹正式登場。赤油蟹來自潮汕，膏香而滑，肉實淨而鮮甜，質素更勝上等肉蟹或膏蟹，今日就一次過晒冷6種赤油蟹吃法給大家，千祈咪眨眼呀！
記者：陳冰麗
攝影：伍慶泉
潮州蟹中之王
赤油蟹在鹹淡水交界生長，潮汕全年均有出產，近兩年才進駐香港，暫時只有小部份食肆供應。此蟹6月開始當造，以7月底最鮮美，除外層近蟹殼的蟹膏略呈金黃色外，中央及凝聚蟹身內的半固體狀蟹膏全呈淡黃色，烹熟後即成鮮豔赤紅色，故有赤油蟹之名。赤油蟹有齊膏蟹膏香與肉蟹肉甜之兩大優點，卻沒有膏蟹肉削與肉蟹膏淡的通病，在潮州稱蟹中之王，絕對是蟹迷的另一好選擇，蟹膏色澤鮮豔愈赤紅愈是上品。
每隻重10至12両
怎樣煮法最好味？「潮江春」大廚楊師傅道：「理論上，炒、煮、烚、煎、焗、煲6種製法都能帶赤油蟹的真味。」以蘿蔔糕炒赤油蟹為例，蟹膏蟹肉完全融入蘿蔔糕，淨食蘿蔔糕已可嘗盡蟹的鮮甜芳香；生滾蟹粥，其鮮甜的粥底更勝普通水蟹粥。眾多煮法中，楊師傅推介白烚赤油蟹：「白烚最原汁原味！」6種製法化作6道菜，均一價$120，每隻蟹約重10至12両，約齊半打Friend一齊吃就啱啱好！
食客有Say
赤油蟹與膏蟹之分別
1.綑紮
赤油蟹用幼身膠索帶綑紮，較輕秤；膏蟹則用粗身吸水力強的水草綑紮，水草佔上3両重，較重秤。
2.體積
赤油蟹最重12両，最細6両；膏蟹最大18両重，最細9両。前者身價貴1成，但兩者同體積相比，後者重秤故價錢其實差不多。
3.顏色
赤油蟹蟹殼較淺色，較薄較脆，方便食用；膏蟹蟹殼較厚，色呈深綠，給人污穢邋遢的感覺。
4.蟹膏蟹肉
未熟前，赤油蟹蟹膏呈金黃色，一隻12両重的赤油蟹，蟹膏佔2両；蒸熟後變成鮮豔赤紅色，油份較多蟹肉亦飽滿，肉質實淨鮮甜；膏蟹蟹膏雖然多，但油份少咬落較硬，肉偏瘦削口感略遜。
潮江春（25457778）
地址：中區德輔道中199號維德廣場3樓
營業時間：8:00am至12:00am
座位：700個
供應期：即日起至7月31日
