薛凱琪（Fiona）同台灣型男郭品超等噚日喺尖沙嘴拍攝馬偉豪新戲《摰愛》嘅外景。Fiona同郭品超喺戲中扮演情侶，佢哋噚日拍攝一場餐廳邂逅嘅戲份。由於郭品超高過Fiona成個頭，影相時郭品超好識做咁烏低啲遷就。
Fiona同郭品超日前重拍咗一場咀戲，佢之前同房祖名喺《早熟》度拍過接吻嘅鏡頭，有咗拍呢類戲嘅經驗之後，佢話今次拍起嚟就易好多，Fiona話：「我哋拍咗三次搞掂，冇尷尬，拍起嚟都好容易投入。」有Fionafans噚日重拎咗西餅同花旗參烏雞湯去探班，非常有心。
「佢唔係真命天子」
對於之前俾雜誌影到同一個男仔去街，Fiona話：「佢只係普通朋友，藝人都可以有異性朋友，佢又唔係真命天子，但就俾人寫成咁，我覺得好唔抵，為咗呢個報道，我要同嗰個朋友講唔好意思。」
問郭品超平時同Fiona傾偈講乜嘢話題，佢用國語話：「我們都是聊音樂和電影，我都來了香港一段時間，已到過星光大道和尖沙嘴海傍觀光。」
