一日，有個三歲小孩拿起一把刀把玩。媽媽看見好慌，逼他放下，愈逼小孩愈不放手。媽媽突然人急智生，拿了一個蘋果出來，因為小孩最愛吃蘋果，一見就放下刀。有時，只要從對方角度去思考，會找出更有效的溝通方法。（互聯網）
童年，每個人都有，但人大了，就總怪小孩子不聽教不聽話。大家有否想過，可能是小孩聽不明白？小孩子的天空，即使我們走過了也不理解，更何況要還未長大的他們聽大人話？所以，有時大人跟小孩說話應先「繙譯」一下，否則，小孩子很容易迷失於大人話迷宮之中，雞同鴨講。
記者：李湘虹
攝影：周旭文、陳盛臣
Silver是臨床心理學家，但原來她對兒童心理最深刻的認識，是來自她兩個可愛的小姪女Karen跟Helen。她記得Karen4歲時，有次教她寫字時說：「你努力啲寫呀，如果唔識字會俾人笑㗎！」誰知她回贈一句：「我個『腦』好細咋，冇乜『力』喎！」她指其實小孩子的世界很簡單，有時大人的說話會犯無心之失，他們接收不到更會阻礙兩者的溝通。
掩嘴卻大叫
Silver又提醒，小孩子有時知道規矩，但情緒一緊張便有反效果。「Karen好鍾意食菠蘿包，一次一入嚟講「唔該一個『菇』！竟然緊張到將『姑媽』同『包』溝亂！又有次去睇熊貓，入館之後佢大力用手掩住嘴，好大聲講『姑媽，Shu，唔好嘈呀！』同佢哋一齊有好多笑料，更可以發現好多同細路仔溝通嘅技巧。」她認為，小朋友的認知，有時大人會難以理解，相反大人亦忽略了小朋友的世界有所不同。所以要好好溝通，並達到預期的教導效果，就要注意語言的運用。
大人話最常犯錯誤
1.用字抽象含糊，只話唔准呢樣嗰樣，而沒有具體直接講出甚麼該做。
2.一次過發出太多指令，如放鞭炮一樣，孩子未收到一個第二個又來。
3.慣於電話中溝通，感覺很疏離。
大人話Vs細路話
下面的幾個字，大人在教導小朋友的時候經常會用，但原來好唔妥，不但小朋友未必理解，而且也不是好的教導用語，點講最好？睇睇！
大個仔
大人想講：你乖乖哋讀書，大個仔可以讀大學，搵份好工，賺多啲錢。
有唔妥：孩童的認知能力不及大人，小學前階段未能理解「現在」與「將來」的關係，故須把說話集中在閱讀的樂趣和得益上。
小孩啱聽：你乖乖哋讀書，學到書入面嘅知識可以幫你明白呢個世界好多嘢。
原諒
大人想講：頭先你又亂發脾氣，我「原諒」埋你今次！
有唔妥：與小孩相處要保持「平等」心態，無論哪一方都不應恃大。家長應集中處理孩子發脾氣的原因、控制情緒的方法。因為即使家長「原諒」孩子不再罵他，他仍可能不知哪兒出錯。
小孩啱聽：頭先唔畀你打機係要你先做好功課，發脾氣就更加乜都做唔到。
叻
大人想講：明仔都唔「叻」，你唔好同佢玩咁多，同樂樂、文仔會學多啲嘢！
有唔妥：孩子相處基於開心，不是比較誰最叻，更不應灌輸「排擠」的觀念。所以毋須刻意選擇朋友，最重要令他學會合群和分享。
小孩啱聽：同明仔玩唔好自己一個人霸住件玩具，有時叫埋其他同學一齊玩，多啲人開心啲！
嘥錢
大人想講：又係你話要學琴，重唔快啲練，唔好嘥錢呀！
有唔妥：孩子不易掌握金錢觀念，大人切忌把學習興趣直接與金錢掛鈎，否則孩子可能懷疑他們在父母心目中跟金錢哪個更重要。所以培養興趣應集中在學習的益處上。
小孩啱聽：學琴要多啲用心練，練得愈多就會愈容易，咁乜嘢音樂都難唔到你。
