大市成交雖然多番些少，但依然冇咩刺激，除咗SUNDAY（866）獲電訊盈科（008）提出全面收購，噚日股價復牌急升18.87％比較有睇頭外，其他乏善可陳。
不過，噚日追買SUNDAY根本冇肉食，真正搵到大錢，相信就只有上周五停牌前急急撲入的春江鴨。
經紀陳話，其實亦有少數二三線股在淡市中蠢蠢欲動，例如早前公布以超低換股價發行可換股票據的漢寶（228），已連續升咗幾日，走勢甚為矚目。但小初覺得呢隻股份風險高，普通散戶實在不宜沾手。
漢寶喺2月同5月份，公布配售一批金額4000萬元及另一批金額最多1億元的可換股票據，換股價只係0.10元同埋5仙。無論換股價係10仙或5仙，都較漢寶現價有超級大折讓，如果全部獲兌現嘅話，新股的數量會佔已擴大股本超過9成。
漢寶昨日升12.3%，收0.73元，揸住呢兩批票據的投資者，帳面賺6-13倍，散戶又點會夠人玩呢？不過，呢兩批票據仍要等漢寶舉行完股東特別大會通過後，先至會完成發行。
慕容小初