劉德華昨日出席公開活動時表示入行多年，只有羅蘭和葉德嫻兩位女星的電話號碼，即使剛在莫文蔚（Karen）的演唱會上剝衫表演亦未能換取對方的電話，他說：「真係失敗。」
劉德華昨日在數碼港為「太陽計劃5.1數碼廣播劇」啟播禮擔任主禮嘉賓。最近有傳鄭秀文（Sammi）患病，要推掉所有工作，就連簽約新唱片公司的記者會亦要改期，而華仔跟Sammi合作無間，問他有否致電慰問Sammi？華仔說：「我諗佢冇問題嘅，其實我冇佢電話，所以唔可以親自問佢。」
自稱怕食檸檬
問華仔為何沒有Sammi的電話號碼？華仔笑說：「我怕食檸檬嘛，其實我入行咁耐都冇其他女星嘅電話號碼，除咗羅蘭姐同葉德嫻，我都試過問人攞嘅，但人哋次次都係畀助手電話我。」華仔剛為莫文蔚擔任演唱會嘉賓，更赤裸上身表演，惜仍未能拿到對方的電話號碼，華仔自嘲說：「唉！除晒衫都攞唔到電話號碼，真係失敗。」
吃飯慶祝父親節
談到父親節將至，原來華仔已與父親吃飯慶祝，但他竟不知道父親節未到，他說：「我重以為過咗父親節㖭，不過我爸爸話今年唔慶祝生日，以前年年歌迷聚會，我啲歌迷都會同我爸爸慶祝，今年連蛋糕都可以慳番。」
採訪、攝影：胡比
