蘭西噚日撞番識咗幾年嘅文靜芝，一心諗住同佢傾吓中環指標寫字樓國金中心，點知伊人送上最新卡片，由國金管理公司總經理，轉咗去嘉里，做市務副總經理。 佢近幾年馬不停蹄，密密轉工，由蘭西九八年識佢，喺百利保賣樓，到信和做零售租務，再轉去嘉華地產賣番樓，之後，去過合和同國金做寫字樓租務，𠵱家就去咗嘉里。