地產代理畀人好市儈嘅感覺，近年紛紛努力洗脫舊形象，參與公益慈善活動，出錢又出力。 好似美記咁，日前獲健康快車邀請，出席一年一度嘅慶祝晚宴，主席黃建業伉儷出席，當晚收到健康快車送嘅水晶座，以示嘉許。 原來美記捐助健康快車超過四年，而且連續兩年主辦嘅賽馬日，都有即場捐款畀健康快車。