【本報訊】從部署參選行政長官補選開始，曾蔭權一直刻意向關係疏離的民建聯「示好」，但民建聯主席馬力接受訪問時坦言，與曾蔭權沒有深交，更指曾與前任特首董建華一樣，「佢兩個都唔係好有政治魅力嘅人。」他指曾的優勢是懂得包裝，並能吸取董的失敗教訓，易於為市民接受。面對着較董建華更強勢的合作夥伴，馬力聲言會提高政治策略，避免再「感情用事」。 記者：許偉賢
民建聯中委早前通過，呼籲黨內一百零三名選舉委員會成員提名曾蔭權，但民建聯主席馬力受訪時直認與曾「冇乜深交」；民建聯與曾蔭權的相識，更是「從曾蔭權參選行政長官那一天起」，反映雙方關係並不密切。
「佢係會砌番轉頭」
馬力解釋，曾的參選政綱大體回應了該黨的訴求，因此作出呼籲，但他不諱言，與董建華相比，「佢兩個都唔係好有政治魅力嘅人；兩個都好鬼嚴肅，但唔係魅力型（領袖）。」
他認為曾的優勝之處是懂得包裝，舉例其參選政綱只是董的舊有施政，「但佢嗰啲就執靚咗，更加符合傳媒導向；重新包裝，亦可以避免重犯董建華過去一啲人哋唔鍾意嘅嘢。」
向為性情中人的曾蔭權，在馬力眼中屬於「嗰啲冇乜面畀，總之我唔鍾意就窒你，頂番轉頭」的人，馬力笑稱：「咩一票兩投、咩不道德，佢講得重盡過我；佢係會砌番轉頭，可能係政務官性格；阿董就係老人，咁耐以嚟，只係低級趣味呢句比較激少少。」
面對着這位更強的政治合作夥伴，馬力聲言會從中學習，提高政治策略，「萬一我哋政治幼稚，俾人跣，自己重儍更更唔覺醒，我哋只能怪我哋水平低。」但他強調有關現象暫時不會發生。
馬力又堅稱，日後不再「感情用事」，「唔係話感情深，我哋就次次投贊成票。」
陳偉業提名曾蔭權
除了左派邊罵邊支持外，泛民主派內的獨立議員陳偉業及鄭經翰均已向曾蔭權給予提名。陳偉業昨指，上周曾與曾蔭權會面，他說是基於三大理由支持曾蔭權，一是曾得到市民支持；二因曾是三位候選人中，唯一一位直接要求自己提名的人，認為「佢比另外兩個候選人有誠意」。另外，他希望透過曾蔭權影響社會政策。他更稱曾蔭權選舉辦公室昨天特別派專人收回提名表格。