張栢芝昨日在觀塘舉行音樂聚會，相當落力，露底之餘又唱到一身汗，最後更哭起來。對於最近有傳其母已離婚，栢芝表示不清楚，她一向不干涉母親的感情問題。
張栢芝昨日為新碟《新聞女皇》在觀塘舉行音樂聚會，穿上低腰褲載歌載舞外，更賣大包露底，更熱得腋下冒汗。
栢芝唱了五首歌，雖然只有第一首歌是現場演繹，其餘都咪嘴，但唱得非常投入的她，在獻唱最後一首送給父親的歌《勇》時，更忍不住哭起來。
送樓畀阿媽
最近有傳栢芝的母親離婚，問栢芝可知此事，栢芝說：「吓？我唔清楚喎，媽咪好尊重我嘅感情生活，我亦都好尊重佢嘅感情生活，媽咪都有問過我，如果人哋登佢啲感情生活，我會唔會介意，我當然唔會介意啦！就算啲人寫得幾核突都好，我都唔會過問。我呢排見佢都好開心，唔覺佢有乜問題，而且媽咪呢排好忙，我之前送咗層樓畀佢，佢要忙住布置。」
出碟為歌迷
問栢芝最近有沒有見過後父？她說：「我平時都只係會同媽咪出街，佢（後父）都唔係好想曝光。」對於懷疑在台上凸點，栢芝毫不介意，還笑說：「我戴咗胸圍，可能太薄。我又唔係故意，唔小心嘅都OK啦。」問栢芝為何落淚，她解釋一想到父親便忍不住喊。
此外，有指出新碟但唱片公司宣傳不足，栢芝說：「其實唔係，係我自己要求嘅，唱片公司好好。我出呢隻碟係為咗送畀等咗好耐，想聽我歌嘅歌迷，唔係為賺錢。」
採訪、攝影：胡比
