金勞詹日前參加咗民主派嘅選舉論壇，佢就話何鴻燊咁多嘢講，都係因為佢同廖暉好熟，又同曾蔭權嘅家族好熟。講開賭王何鴻燊，金勞詹突然間爆料話，卿姐有個舅父，就係喺澳門幫賭王搞地產！
個論壇結束後，卿姐同八方講，佢舅父姓凌，的確係幫賭王做嘢，但卿姐其實同舅父好唔熟，至少都成七、八年冇聯絡，佢都係大約知道舅父做乜。
詹培忠最近同民主派同一陣線批曾。唔知係咪最近群得民主派多，一向話政改要由中央話事嘅金勞詹，竟然都改咗口話，最遲可以喺二○一七年普選特首，算係比冇時間表進步咗啲啦。
傳真︰2623-9278
電郵︰[email protected]