立法會入面波牛多多，其中一個就係宣布參選特首嘅民主黨主席李永達。可能達仔呢排忙於搞選舉，噚日佢代表立法會，同香港電台踢場足球友誼賽時，落場唔夠幾分鐘，就好似體力不支，結果要換番出嚟。到下半場臨尾，入去踢咗一陣，跟住又冇氣喇，計計埋埋全日落場時間可能十分鐘都唔夠，睇怕個選舉工程都令佢幾虛耗。
不過，達仔都唔係冇貢獻㗎，事關佢喺臨完場時，就交咗個世界波畀黨友鄭家富，結果俾阿富射入，兩個男人事後開心到攬埋一舊㖭。賽事最後由議員隊以五比二贏咗港台，連入兩球嘅陳偉業就攞咗最佳球員。
李家皓攝
傳真︰2623-9278
電郵︰[email protected]
