經紀陳上周六先至講到，黃金集團（臨時編號2985）有董事增持，可以伺機跟進。其實除咗黃金集團之外，重有唔少股份都獲大股東或董事增持，相信係因為近期市況淡靜，而唔少大股東對公司前景有信心，所以伺機增持。
經紀黃推介做貨櫃製造生意的勝獅貨櫃（716），隻股亦獲大老闆增持，兼且數量唔細。勝獅股價早排一度急跌，但最近已逐步回穩，可以考慮跟住大股東買貨。
先排航運股股價回落，原因之一係中國同美國以及歐洲在紡織品入口方面爭拗，令投資者憂慮貨櫃需求有變，加上有個美資大芬減持，導致股價在個多月內，由7.80元高位起不斷下滑，最低見過5.30元，但大股東就密密喺6元樓下接貨，令股價由低位反彈。
最近有證券分析員見過勝獅管理層後，表示公司產能正在增加，貨櫃箱價格亦在調升中，預計勝獅今年繼續有良好增長，隻股仍有唔小上升空間。
勝獅上周五再升2.48％，收6.20元，成交股數78.3萬股，金額476.8萬元。
慕容小初