民建聯主席馬力以前喺《商報》做總編輯時，有時都會落手寫吓馬經。
要計吓隻馬狀態fit唔fit，又要睇吓嗰日場地同天氣同隻馬配唔配合，其實真係行內人先至搞得掂。
點知馬主席就話貼馬啫，容乜易，更笑笑口咁話「邊張報紙唔係亂咁寫」（八方按：馬主席講笑啫，唔好咁認真），好似真係有啲亂嚟咁。不過，乜嘢叫血統派、賠率派同騎師集團派，馬主席都重有少少研究，算係有啲專業意見。
原來馬力話，當時一班馬版編輯，時不時都會喺馬場入面聚首一堂，笑談嗰日邊份報紙放咗流料。靠睇馬經貼士做人嘅賭仔，好似都係信自己穩陣啲！
傳真︰2623-9278
電郵︰[email protected]