煲呔早前同傳媒高層食飯時，講到心目中至少有五個人可以做政務司司長，雖然佢冇開名，但就係人都知，其中一個係人稱肥龍嘅許仕仁（圖）。八方反而想知道，另外嗰四個人選係何方神聖？好似署理緊政務司司長嘅孫明揚，既有從政經驗，又係煲呔舊同袍，幾有可能都係煲呔心水之一㗎！
講開肥龍，點解可以得到煲呔賞識？其實都係拜佢嘅從政背景所賜，因為佢喺八五年，擔任過行政立法兩局非官守議員辦事處嘅副秘書長，同議員打交道係佢嘅強項。
相對於煲呔咁鬼燥，郁吓就原形畢露，惡得要死，當然要一個和稀泥喺身邊幫吓手，至少肥龍同啲議員會懶friend咁一齊食吓黃油蟹，可以幫煲呔擋到好多箭，難怪佢可以重返政壇，做「一人之下、萬人之上」啦！
傳真︰2623-9278
電郵︰[email protected]