民建聯前主席曾鈺成喺煲呔快要宣布當選前夕，高調叫煲呔搵佢啲年輕黨員入局，做局長嘅政務助理，拉近政府同政黨之間嘅分歧，等大家可以早啲調校一下。
嘩！咁嘅橋都俾佢諗到，唔怪得有人話，如果煲呔肯，就不如叫佢加入民建聯做主席好過啦，曾鈺成真係唔好當佢位「同宗」儍㗎。
又的確係喎，政務助理助助吓咪變咗主理，主理咩都理晒，理理吓容乜易變埋政委。
中共做嘢方式係人都知，官銜冇意思，最緊要係黨銜，做乜省長市長都冇用，大權喺晒個黨委書記手，如果唔符合黨嘅最高利益，乜都係假，共產黨靠書記掌權，煲呔會咁天真交個權出嚟做「曾冇權」，同民建聯共榮辱咩？
傳真︰2623-9278
電郵︰[email protected]