唔少商場人流極旺，大業主根本唔憂租，自然希望可以收貴啲，蘭西之前提過，有商場大業主與租戶傾續約時，搵埋租戶嘅同行一齊投標，價高者得。 最近，蘭西又聽聞，原來有啲商場大業主，出租舖位會要求租戶裝修舖位時，一啲相關嘅嘢好似玻璃咁，要用指定商號至得。若果要安裝多過一定數目嘅電話線，又要額外畀錢，總之樣樣講錢，價錢重唔使慌平。