章小蕙噚日出席活動時話月底要離開香港，移居紐約，重話為咗一對仔女，會叫埋佢哋搬去美國。問佢到時點維生？章小蕙話：「𠵱家我學緊電影劇本，我喺紐約開始新生活，連男友都重新嚟過。」另外，佢前夫鍾鎮濤噚日帶埋女友范姜去上海宣傳新戲《上海紅美麗》。范姜話鍾鎮濤嘅一對仔女本來打算送架車畀阿B做父親節禮物，但俾佢拒絕咗。