周嘉玲將於下月在泰國舉行婚禮，前晚她把握最後的單身女郎日子，先與一班女性友人搞婚前派對玩樂一番，然後再結伴到中環睇型男張震行騷，更興奮得忘形尖叫。
意國品牌Paul&Shark前晚在中環舉行大型派對，將四號碼頭搭建成帆船甲板做舞台，舉行○五年秋冬時裝騷，亞太區代言人張震壓軸出場行騷。
希望減肥成功
下月結婚的周嘉玲戴上閃石后冠，與兩名女性友人到場，她們一見張震出場，即興奮尖叫，其後更拉住張震影相。心情極high的周嘉玲透露剛參加自己的婚前派對，然後陪女性友人到場睇張震行騷，周嘉玲說：「我唔係佢fans，不過都想見吓，佢幾cool、幾靚仔，不過點都係我老公好啲！」
周嘉玲續說：「我就快放假喇，請咗一個月假，先喺香港註冊，再去泰國行婚禮，之後就飛去巴西度蜜月，因為我好想去南美洲玩。」她更謂希望成功減肥，以最佳狀態出嫁。
而張震完騷後接受訪問時表示除了為品牌宣傳、影相外，更會參與設計工作，他說：「遲啲會有crossover作品，我會幫手設計啲限量衫為慈善，幫台灣兒童組織『家扶』籌款，我有幾個瘋狂想法，唔知大會接唔接受到。」
此外，李蘢怡、周麗淇和孫耀威等獲贊助新裝並出席派對，其中以近期公開認「波大無腦」、謀求復出的李蘢怡最博，以性感比堅尼上截配小外套示人。
李蘢怡性感突圍
李蘢怡說：「今日（前晚）冇酬勞，天氣咁熱，健康性感我唔抗拒，都OK啦。」她又強調沒有拍拖，她說：「我認同呢行係唔應該拍拖，𠵱家我要學識聰明，要做醒目女。」
採訪：RitaLeung
攝影：IpKwanHoi
