容祖兒的歌迷昨日在旺角為偶像舉行生日會，預祝祖兒本周四25歲生日，他們邀請了十二位《殘酷一叮》台主為祖兒祝壽，祖兒甫到場，「功夫叔叔」潘振成即時耍劍歡迎，之後「失戀小童」莫凱謙獻唱祖兒的《習慣失戀》，逗得祖兒不亦樂乎。
扭籮獻唱
而「勁舞馬勒當拿」喬保羅在台上載歌載舞，之後又脫去龍袍，露出背心及孖煙囱，祖兒隨即笑說：「嘩！你有好多毛㗎喎！」喬保羅尷尬地說：「哦！祖兒怕多毛，咁呢度有咁多小朋友，我都係唔好意思除衫，下次我私下除畀你睇！」全場捧腹大笑。
其後祖兒主動要求「拉丁霍啟剛」關浩揚表演扭籮，他扭完籮後即撲向祖兒，並以面頰親她。祖兒說：「真係好驚喜，可能我唔小心漏咗風話鍾意睇《殘酷一叮》，所以啲fans就有咁嘅安排。」
採訪：胡比
攝影：仇志德
