莫文蔚（Karen）前晚在紅館開騷，除與男舞蹈員大跳貼身舞外，又與表演嘉賓劉德華在台上互相剝衫，但Karen似乎意猶未盡，當古巨基出場笑指她的腰側開窿舞衣密實時，她竟挑逗基仔說：「你可以伸出伸入㗎！」
莫文蔚前晚在紅館為一連兩場的演唱會揭開序幕，她以十個超性感造型「賣肉」饗歌迷。全場入座率只有八成，Karen男友馮德倫亦有到場支持她。
意態撩人觀眾狂嗌
當嘉賓劉德華和古巨基出場時即掀起演唱會高潮，穿上西裝的華仔與Karen在台上互相剝衫，Karen扯開華仔的恤衫，令他露出健碩胸肌時，台下觀眾即時尖叫。而華仔為Karen脫去大褸後，Karen又親自脫掉襪箍，動作誘人。
Karen在「安哥」時，在控制台下介紹「主角」古巨基出場，基仔說：「點解你（莫文蔚）做嘉賓都唱兩個幾鐘？」基仔表示不滿Karen厚此薄彼，與華仔表演時衣着性感，跟他同台則穿得密實，穿上金色露腰裝的Karen說：「你都可以伸出伸入㗎！」基仔說：「你隻手定我隻手先？」Karen即表示：「唔好啦，你隻手咁多汗。」
獻唱金曲悼念哥哥
基仔又大讚Karen與華仔的剝衫環節有睇頭，並投訴Karen沒親吻他，是因為Karen的男友馮德倫全程監場，基仔說：「今晚有人昅住！」
Karen又不時跟男舞蹈員大跳辣身舞，還即興做托胸動作。另外，Karen獻唱了多首張國榮（哥哥）的金曲悼念他，場面感人。
採訪：李珮洳 攝影：陳偉權
