六四事件啱啱過咗十六年，當年不滿中共屠城、最後出走嘅新華社前社長許家屯亦不經不覺退隱美國十五年。許老最近接受《多維月刊》訪問時透露，正埋頭寫一本叫《二十世紀的經驗》嘅書，將佢個人對二十世紀呢個既充滿殺戮血腥，又係人類以空前魄力同勇氣去探索發展嘅世紀經驗同教訓用幾萬字寫出嚟，佢希望本書可以喺今年下半年推出，至於詳細內容，佢就話要賣關子。記者問佢會唔會寫回憶錄，許老就話，只係回憶自己經歷冇乜意思，冇經歷過嗰個年代嘅讀者亦好難理解，所以佢至今並無意思執筆寫回憶錄。
爆料熱線：29290000、27860099
報料傳真：26239278
報料電郵：[email protected]