飲食人誌2：<br>藍與紅動與靜西貢蒲吧睇拋樽

飲食人誌2：
藍與紅動與靜西貢蒲吧睇拋樽

西貢的夜，幽靜，空氣清新，河國榮愛蒲西貢酒吧，推介的兩間酒吧裝潢一藍一紅、氣氛一動一靜。紅彤彤「G8」小巧的骰，襯絕白領儷人；螢光藍「Xtreme」有BarTender表演絕技，大班朋友睇波傾偈玩天光，絕無冷場。

記者：李淑芬
攝影：伍慶泉

背飛凌空拋樽！

飛樽720度入杯，倒番出嚟再拋過！

Yo！背飛都掂，夠勁無？

Xtreme篤波睇波兼劈酒

「Xtreme」是西貢區最有睇頭的Bar，3,000呎地方連閣樓，樓下可享用澳洲菜和劈酒；敞開玻璃摺門，拿支酒直接走到街外飲，更豪！閣樓放2張美式桌球枱，手痕篤兩Q不額外收費。就是這樣，「Xtreme」變成區內一處好Hea之地，最矚目的是孖仔BarTender，他們在PlanetHollywood做了5年，溝酒掂，就連花式拋樽表演都曉，雖偶有失手，但已叫人拍爛手掌。

Xtreme（27917222）
地址：西貢普通道路72號
座位：約80個
營業時間：星期一至五5:00pm至3:00am，星期六、日1:00pm至4:00am

大哥Marlon（左）細佬Marvin（右）

■閣樓美式桌球枱，免費任打。

AngelDelight$64
蘋果味、奶油味加Bailey's的甜味，溝出一杯易入口雞尾酒。

MarsBar$64
伏特加與Kahlua咖啡酒混合，再加入Mars朱古力，甜得香濃。

小辣椒芝士（前）咖喱雞翼各$35

牛肉串燒4串$48
車厘茄、菠蘿、青椒與牛肉同燒，一定要趁熱吃，否則嘗不到那火灼後的焦香。

G8清吧格局環境寧靜

「G8」屬迷你酒吧，但裝修優雅，店子分兩部份，近門是適合大班朋友暢談的Bar區，再入是有大梳化可讓人慵懶地歎酒的Lounge區。場內沒飛鏢玩意，不能玩骰盅，只供應一些靜態的棋盤遊戲，不過來此的白領儷人及情侶都愛「G8」的寧靜，平日最多白領幫襯，假日就多了一些從區外來的遊客。這兒較特別的是以清酒溝成雞尾酒，據BarTender說，清酒味較清，配生果原來非常適合。

G8Bar&Lounge（27912223）
地址：西貢福民路42至56號地下8號舖
營業時間：星期一至五2:00pm至1:00am，星期六及日12:00nn至1:00am。
座位：40個

■用餐區，燈光柔和。

■大紅主調色，加上環境寧靜，很受女士歡迎。

StrawberryCooler$55
士多啤梨甜酒混Rum酒、薄荷，新士多啤梨夠甜、薄荷夠清涼，OL最愛。

PurplePassion$55
由日本清酒、Tequila、荔枝甜酒、鮮莓茸等混合，生果味濃，那荔枝甜味更能留在口腔良久不散，很有夏日感覺。