王秀琳（Mango）前晚在中環出席派對，接受訪問時態度惡劣，一時否認富家子Homan是其男友，並指結識男友不會金錢行頭，隨後卻表示不會找蛀米蟲做拍拖對象，她說：「我梗係唔會揀個乞兒做男朋友啦。」
王秀琳（Mango）、「玩具大王」蔡志明千金蔡加敏等，前晚在中環喜喜會出席《資本才俊》（CEO）雜誌一周年派對。早前多次被拍到與富家子Homan約會的Mango，前晚甫見記者態度惡劣，問她為何會出席似與她沒有關係的CEO派對，她即說：「阿一（指蕭定一）叫我嚟嘅。」
拍住連生搵食
問Mango會否順便來結識一個CEO級朋友？她晦氣地說：「我唔知噃，我嚟嘅目的唔係嚟識男仔。」問她與富家子男友Homan現時感情如何？她不悅地說：「邊個呀？嗰個friend嚟咋，我好多朋友都好有錢，佢有錢又唔會畀啲我使，不過我梗係唔會揀個乞兒做男朋友，佢照顧到自己就最好，不過點都係感情第一，有冇錢係其次，我都希望第時嘅男朋友唔好係蛀米大蟲。」提到工作情況，Mango表示蕭定一已安排她與「連生」朴恩惠合作拍新片。
蔡加敏學從政
此外，蔡加敏透露上月開始擔任深圳政協委員，她表示因家族生意均在深圳設廠，常要往返深圳，並笑稱自己應是歷來最年輕的政協委員，問她何時向人大進發？蔡加敏笑說：「冇咁遠，我𠵱家都係學習階段啫。」
採訪：DebbieLum
攝影：ChanChiLam
