應屆候選港姐3朱麗賢最近被發現左臂有疤痕而引來紋身疑雲，同是港姐冠軍出身的徐子珊及楊思琦昨日異口同聲表示一定不會紋身，楊思琦自言不想有個記號長留身體，徐子珊更連耳窿也不會穿。
徐子珊、楊思琦、鍾嘉欣、容祖兒、陳敏之、關伊彤及陳百祥（阿叻）等，昨日在跑馬地香港賽馬會總部大樓出席「冠軍人馬頒獎禮」記者會，該頒獎禮將於本月二十五日假麗嘉酒店舉行，無綫更獲得今年的製作及播映權。
「耳窿都冇穿」
應屆候選港姐3朱麗賢日前被發現左臂有一道達三吋長的疤痕，結果引來紋身疑雲，去屆港姐冠軍徐子珊自言有留意今屆候選港姐的報道，她說：「其實參選資格冇指明唔可以紋身，至於會唔會好似香港先生咁接納呢樣嘢，我覺得都係尊重番大會嘅決定，我對呢樣嘢冇乜研究，自己就唔會考慮紋身，本身連耳窿都冇穿，紋身都係個人喜好。」
同樣是港姐冠軍出身的楊思琦亦表示一定不會紋身，她說：「我唔反對人哋紋身，我去希臘旅行都試過手繪紋身，不過真係要留個記號跟住自己一世就唔敢。我未見過嗰個女仔嘅手臂，不過我認為內在美緊要啲。」
谷新人蝕錢
另一方面，阿叻被問到李蘢怡日前痛哭自認「波大無腦」一事，他承認曾安排李蘢怡與無綫高層樂易玲見面，阿叻說：「前年使咗成千萬喺班新人身上，總之出一隻碟就蝕一隻啦，一出碟佢就拍拖，我哋唔會阻止㗎，佢有心做就要當自己係新人，我哋唔係要包裝佢哋做舞小姐。」
採訪：卓美娟 攝影：仇志德
