劉浩龍前晚喺灣仔接受Cookies前成員Angela主持嘅網站節目《半島冰室》訪問，佢話如果要佢喺娛樂圈揀女仔做女朋友，佢會揀鍾嘉欣，劉浩龍話佢除咗樣靚身材弗之外，又夠晒純品喎。
諗起就要做
講到性方面，劉浩龍話細個嗰陣好有需要，無論幾攰都好，一諗起就要做，但大個咗，往往因工作太攰而唔想做。問𠵱家冇女友嘅劉浩龍點解決性需要時，佢話：「好正常啫！係人都會做嗰樣嘢㗎啦！」
又問劉浩龍睇女仔會留意邊個部份，佢竟然話：「細個我好唔鍾意大胸女人，因為我細個同阿嫲一齊瞓，阿嫲個胸好大，但個身好臭，當時我認為大胸女人個身都係好臭。不過大個咗望望吓又覺得幾好……」如果一手湊大劉浩龍嘅阿嫲聽到個孫講埋啲咁難聽嘅嘢，唔傷心就假啦！