噚日警方喺將軍澳環保大道設置偵測車速攝影機，由於條路係無綫藝員返工必經之路，好多藝人都被控超速，好似韓毓霞同林曉峰就領嘢。韓毓霞被罰四百五十蚊同扣三分，佢話：「嗰段路冇可能行五十公里，應該同前面一樣七十為標準，由環保大道返到電視城有成六、七個燈位，淨係等啲空燈都費時失事啦。」而林曉峰就話今次被扣五分，係三年嚟嘅第一次。
