公益金噚日表彰善心企業，舉行咗個頒獎典禮，滙豐銀行連續四年捐款最多，榮獲「超卓貢獻獎」，單喺過去九個月已向公益金捐款達七百二十萬元；第二位係由印度社團奪得，佢哋專登為公益金搞咗個籌款晚會，並獲得熱烈響應。
本港新上市公司，為咗取得靚上市冧巴，好多都願意大解善囊，一擲百萬元。所以第三位嘅榮譽獎得獎機構中（捐款額約達八十三萬至二百萬元內），包括十四間新上市公司，例如編號一○○○嘅北青傳媒、九○六嘅中國網通、八二八嘅王朝酒業、二三三二嘅和記電訊國際、二三八三嘅TOM集團等。
公益金話，過去九個月來自本港機構嘅捐款為六千一百萬元，而總捐款額則達一億五千四百萬元。
傳真︰2623-9278
電郵︰[email protected]