星級代言人 - 李八方

  星級代言人 - 李八方

大福證券噚日開酒會宣布換新logo,又請咗前港姐兼高球高手鄭文雅,同埋煲呔曾細佬曾蔭培粉墨登場拍廣告。鄭文雅同八方講,之前有好多銀行搵佢拍廣告,佢都推咗,今次只係收封大利是,都係緣份使然。
前警隊一哥曾蔭培唔係第一次拍廣告,之前佢都幫過公益金拍宣傳片。佢噚日冇現身,但八方估計,培哥今次幫大福拍廣告,多多少少同佢𠵱家喺新創建做執行董事有關,話晒大老闆都係鄭裕彤嘛。咁大福又真係有計嘅,近排煲呔咁紅,搵佢細佬做代言人,夠晒矚目!
大福執行董事李耀榮話,希望換新裝之後,吸引多啲年輕客戶,一連串宣傳活動使費都係三幾百萬,比起當年宣傳網上交易,吓吓過千萬,經濟實惠得多。


爆料熱線:29290000、27860099
報料傳真:26239278
報料電郵:[email protected]