五十五歲更生人士德叔，日內將獲房屋署恩恤分配公屋，惟現居的家具、電器殘舊不堪，根本無法搬往新居再用，令他煩惱不已。
「自己經濟環境唔係咁好，根本無錢買嘢，就連呢張床都係我自製嘅，不過已經好殘舊，恐怕一搬就會散；另外，屋企部電視機係壞嘅，搬走都冇意思。」
宣揚吸毒禍害
德叔原本任職建築工人，早年誤交損友，一度沉淪毒海，直至兩年前，他在福音機構協助下，成功戒毒。
回望過去，德叔欷歔不已，惟他現已洗心革面，重新做人，並不時參與義務工作，回饋社會。
「我成日去學校做分享，講吸毒嘅禍害，自己錯過，都唔想有人學我咁。」
德叔數年前離婚，其後患上抑鬱症，目前仍要接受精神科治療，由於身體欠佳，無法工作，他現靠綜援金過活。德叔近日獲房署恩恤分配公屋，刻下他正為新居的家具、電器物品四出張羅。
社工轉介求助
德叔的個案由露宿者行動委員會轉介，他盼獲捐贈一張睡床、兩個地櫃、一張小型梳化、一個電熱水煲及一部電視機。
另外，德叔心底裏還有一個夢想︰「我好希望有人肯捐一部DVD（雷射影碟）機畀我，事關教會有好多福音見證嘅影碟，我好想借嚟睇，學習多啲。」你願意伸出援手，達成德叔的心願嗎？
捐款編號︰C1722
暖流熱線
電話：29908688
傳真：23702192
電郵：[email protected]
網址： http://www.charity.atnext.com