吳卓羲及王敏德、馬詩慧夫婦前晚在金鐘出席意大利節活動，吳卓羲擔任模特兒行catwalk。前晚他示範的都是厚厚的冬裝，行至身水身汗，問他前晚同台演出的都是外國模特兒，有沒有想過與洋妞拍拖？他說：「唔會啦，大家興趣嗜好都唔同，我好悶嘅，平時拍劇已經面對咁多人，私人時間反而鍾意靜靜哋，喺屋企養吓魚同修剪盆栽，而且鬼妹太高，女朋友最好唔高過我。」
考飛機師牌賺錢
剪了新髮型的馬詩慧則與丈夫王敏德恩愛到場，她表示新髮型不獲好評，女兒指不好看，丈夫一看更皺眉，她透露丈夫王敏德現在晚晚忙於刨書，應付直升機師牌照的考試，她說：「老公本身已經有牌，𠵱家考呢個係另一種，可以載客嘅，佢為呢個嗜好已經使咗唔少錢，𠵱家考個可以賺錢嘅都唔錯。」
採訪：顏英儀
攝影：何國豪
