Twins近日齊齊以三點式泳衣上陣，到泰國拍攝健康食品廣告，二人均十分滿意自己的身形，其中蔡卓妍（阿Sa）最自豪的地方是擁有一條二十二吋小蠻腰，而鍾欣桐（阿嬌）則最滿意自己的香肩。
二人組合Twins近日成為修身堂健康食品「一分鐘宅配便」的代言人，老闆娘張玉珊日前率領大隊前往泰國取景拍攝廣告，讓Twins在泳池邊穿上三點式泳衣示人，大晒青春本錢。
三圍數字保密
Twins這次因要穿泳裝上陣，事前特別做了纖體療程，務求以最佳狀態出鏡，蔡卓妍表示很滿意自己現時二十二吋的小蠻腰，她說：「我條腰前所未有咁瘦，我好滿意。」而問到鍾欣桐最滿意自己身體的哪一部份時，她說：「我好滿意自己嘅膊頭。」阿嬌表示三圍數字要保密，只肯公開現時腰圍是二十四吋。
問到Twins穿上三點式面對男攝影師時可感尷尬？她們說：「唔會，因為我哋習慣咗，都係拍嘢啫，況且其他工作人員都係女性，唔會特別唔方便。」
問Twins可擔心廣告出街後，大家的焦點會放在二人的胸部上時，經理人霍汶希即時代答：「唔怕，因為睇一個人嘅身形，應該整體去睇，況且佢兩個雖然身材未必好突出，但形象好健康，相信大家睇佢哋都唔會focus喺佢哋嘅胸部。」
落力練踢躂舞
此外，Twins近日忙於與二人組合at17綵排下周舉行的音樂會，屆時Twins會大跳踢躂舞，二人正積極練習，希望令歌迷感到耳目一新。
採訪：比華利
