永泰亞洲同南豐嘅西貢獨立屋項目溱喬，經過四年策劃同發展，打算第三季開賣。發展商噚日先向傳媒介紹物業，重由白沙灣坐遊艇出發，喺海上睇樓。
永泰亞洲李簡鳳玲話，成個盤六十三間獨立屋，俾白沙灣自然保育區環繞，得一條私家車路進出，私隱度高之外，每個住戶好似做咗島主咁。
當年發展呢個盤，用上法國印象派大師莫奈嘅《花園小路徑》名畫作構思，加上四周環境綠化，地盤保留咗一百棵古樹外，整個項目種植樹木多達六百棵，發展商又種植一萬棵不同品種時花，令項目一年四季有唔同景致。
成個盤七成係二千三至四千七呎獨立屋，三成一千七百呎。
計劃先推四房，目標呎價兩萬，剛申請售樓紙。
溱喬現址乃永泰夥拍南豐，喺○一年八月，用一億四千八百萬投得，當時每呎樓面地價僅一千二百八十七。
電郵地址：[email protected]