剛成「老襯」的杜汶澤，雖然在結婚前沒有與兄弟夜蒲享受最後的單身生活，但他早前拍攝電影《頭文字D》時，卻盡享溫柔，還獻出婚前螢幕上的最後一吻。話說阿澤與日本靚女拍攝一場親吻鏡頭時，沒想到他竟撞爆嘴，阿澤解釋說：「我唔係見到靚女開心得滯，而係導演叫我哋咀得激啲，嚟慶祝拓海贏車，點知嗰位日本演員興奮過我，一撞過嚟擁吻我，就撞爆個嘴流晒血。」
盛讚日本女友
問阿澤是否咀得開心，他避忌地說：「拍戲就係拍戲，都係咁啦，不過我呢位日本女友真係唔錯，佢好純情㗎。」
阿澤又表示拍戲地點大多在山區，某一天忽然發現有一處的景色有如世外桃源，後來周杰倫還特地安排台灣攝製隊到該處拍《七里香》MV，並邀請阿澤戲中女友擔任MV女主角呢！