按揭息升，本港樓市轉靜，大陸樓又回軟，海外樓盤趁勢傾巢而出，來港展銷，今個月至少有四個，遠至加拿大、澳洲，近至泰國、馬來西亞任君選擇。
高力代理吉隆坡豪宅KResidence，下月動工，起五十層，百八伙，○八年初落成，喺正Petronas雙峯塔對面，其中最豪嘅有一萬呎，今日起來港展銷，香港暫時都未有咁大面積嘅海外多層式住宅單位賣。
中記代理昆士蘭豪宅Sansara，盡享陽光與海灘，洋房千二至四千七呎，入場費五百八十萬，○八年附近新機場啟用。
不妨順便睇埋多倫多TorontoRitz-Carlton，由ANBProperties代理，賣六百幾萬起。
如果要平，可考慮蘇梅島ShambalaSamui度假村式海景豪宅，二千八至三千五呎，三百萬有交易。