陳奕迅自從女兒康堤出世後積極工作，他表示開始注重健康，最怕病倒受苦，故閒時亦會閱讀營養書籍，但女兒在飲食方面則全權交給女友徐濠縈打理。
陳奕迅（Eason）、盧巧音（Candy）、符思思、張德蘭及何韻詩等昨日於尖沙嘴出席《獅子會新生命工程》記者會，昨日Eason遲到十多分鐘，問到他為何遲到時，Eason說：「真係唔好意思，因為之前喺中環整頭髮。」
探訪腎病患者
為配合節目，Eason、盧巧音和何韻詩早前分別前往醫院探訪病人，記者會上更播出Eason探訪腎病患者的片段。Eason表示會定期做身體檢查，他說：「我覺得預防勝於治療，係人都會死，只不過分別係會唔會好痛苦咁死去，我最怕醫院裏面啲病人𠵱𠵱唉唉，其實每過一次生日，就等於又近死亡一次。」
雖然近日忙於宣傳新唱片，但Eason自言十分注重飲食，他說：「𠵱家比以前更加注意飲食，以前等埋位對稿時，可以飲成五罐汽水，𠵱家就會改飲水同茶，有時間都會睇啲營養書，留意食物嘅營養價值。」
問到Eason會否為女兒康堤調配食物時，他說：「囡囡食嘅嘢，我好少理，我都冇乜時間湊佢，只係得閒同佢玩吓，湊佢梗係由專業嗰個，即係佢阿媽負責啦！」
阿爸是最可靠
此外，Candy對於李蘢怡表示會努力工作，她說：「我覺得任何時候都要係咁，事業好緊要，唔可以靠人哋。」問到男人是否不可靠時，Candy說：「我冇咁講過，我阿爸就好靠得住。」
採訪：王崇穎 攝影：林德雄
