關心妍(Jade)獲邀擔任「兒童金口獎」比賽大使,她最近拍攝了一輯呼籲學生參加該比賽的宣傳短片。而Jade近日亦重回母校荃灣天主教小學,接受該校校園小記者訪問,令她感到興奮,原來校方留意到Jade早前主唱的歌曲《挪亞方舟》,覺得她形象正面,故邀她接受訪問,向小學生宣揚正確的價值觀。
Jade大讚小記者口才好,她說:「我真係好感動,呢度係我移民加拿大前讀嘅小學,自從移民後就冇返過嚟。今次返嚟另有一番滋味,可惜見唔番以前教過我嘅老師,但睇到師弟師妹,令我諗番起細個嘅校園生活,好開心同無憂無慮。」Jade及後參觀校舍,並即席彈鋼琴,大受師弟妹歡迎。