藝人「撚雀王」性格囂張，所以一向是非多多，繼之前電腦鏡頭前露下體後，最近又有篇同佢下體有關嘅報道上封面，唔知佢係咪未大定？咁大個人重經常搵下面嚟玩，身為佢好友實在要勸一勸佢。水貨舖老闆睇到篇報道後有以下意見：「撚雀王以前未開樓上舖時，常落嚟我度買嘢，都唔知佢博乜，竟經常向我女人放電，其實我女人都成三張嘢，可能一身HipHop打扮呃到佢啩，撚雀王以為大家同聲同氣，買嘢點都計平啲，點知我女人完全唔過電，並冇任何優惠畀佢，佢咪黑面囉。我女人話只有13、4歲口靚妹先過到佢電，做生意嘅點會理你！
「最近撚雀王開咗樓上舖，使盡渾身解數，大做馬騮戲，出好多CrossoverProducts，點知舖頭生意都係麻麻。就算埋到日本猿人王堆，人哋畀隻好牌佢上，幫佢做埋件CrossoverTee，免費送畀Fans，點知反應一般，無法上位。件Tee上到Yahoo拍賣網，開價二千亦冇人問津。聽講有幾日間舖冇乜生意，班夥計趁撚雀王唔喺度，將件Tee賣畀熟客，不過班客話七百幾蚊嫌貴，竟要諗過先。所以話日本水貨其實好難做，好似我咁，托到個膊頭瘀晒，先賺得少少咋！」
主持人：大食Jack
八卦熱報：[email protected]