本港地產代理要有牌照，先至可以做物業買賣，但若果要喺內地做代理，就要另外考牌。 地監局與廣東省人事廳及建設廳達成協議，所有合資格嘅本港代理，都可報考廣州舉行嘅○五年全國房地產經紀人執業資格考試。合格嘅，獲發全國統一執業資格證書。考試會喺十月十五同十六號舉行。𠵱家中港兩地日趨融合，代理有個兩牌照喺手，肯定冇執輸。