梁洛施（Isabella）早前曾穿上半百款式的水着拍攝處女寫真，由於她身形偏瘦，經理人霍汶希見狀即下令她極速增肥，自嘲瘦如馬騮手的Isabella遂狂噬高脂食品，卻沒想到竟長出豬腩肉，令她哭笑不得。
身高五呎七吋的高妹梁洛施，現時體重約一百一十磅，她近日忙於拍攝處女寫真集，並需穿上超過五十件不同款式的水着，可惜偏瘦的Isabella拍攝效果未如理想，其經理人霍汶希即下令要求她極速增肥，結果Isabella在兩個星期內狂吞高脂食物，但最終胖了的兩磅肉全都長在肚腩中。
影相要縮肚
日前Isabella接受本報訪問，她說：「我呢排係咁食pizza、意粉、芝士，臨瞓前重要飲杯朱古力奶，係咁谷肥自己，我想塊面肥啲，點知肥晒落個肚腩度。」提到對自己的身形是否滿意，Isabella笑說：「要睇相至知，我對手臂似足馬騮手，好細條，但又肥咗落肚度，影相時都要縮肚呀。」
首次公開以泳裝示人的Isabella揚言拍照時未感尷尬，事關今次由女攝影師操刀，她說：「雖然着泳裝，但唔怕，因為感覺好健康，係着三角泳褲時要好小心，有啲動作要跳跳吓，一跳條三角褲就好易走位，不過公司都會check過晒啲相，冇穿崩至出街嘅。」
無懼傳緋聞
Isabella揚言會將簽名寫真送給緋聞男友古宇，又表示無懼與對方傳緋聞，而且古宇與她的母親十分稔熟，母親自然很放心，她說：「古宇比較成熟啲，同我阿媽啱channel，我阿媽都幾欣賞佢，話佢幾勤力、有事業心，我全部嘅朋友都有介紹畀媽咪識，佢好開通㗎。」提到兩人的發展機會，Isabella說：「唔會啦，佢事業心比較重，我亦都係，我重細，𠵱家唔諗呢啲嘢。」
採訪：朱倬誼 攝影：葉君海
化妝：AnnieG.Chan
髮型：RickyKwok@TripleEdge
服裝：SurferGirl
場地：pax
