無綫、亞視兩台即將各自舉行男士選舉，現時是亞視藝員的前港男杜挺豪和梁浩楷，日前同坐鐵騎勁騷男人味為選舉造勢。當年憑表演一字馬脫穎而出的杜挺豪，揚言勝在有火才奪冠，並要唔驚瘀。
無綫及亞視兩台將於暑假分別舉行男士選舉，兩位亞視男藝員包括九九年港男冠軍杜挺豪和九八年落選港男梁浩楷，日前齊於灣仔駕駛電單車，為亞視港男賽事宣傳。
「要裝備自己」
杜挺豪當年面試時，曾於廣播道亞視門外當眾表演一字馬，先聲奪人由頭帶到尾，最後榮登港男冠軍寶座，日前他接受訪問時重提舊事，揚言當年得獎勝在有火，他說：「喺成個選舉過程中都有啲火㗎，因為有啲火至攞冠軍啩。嗰時啲人問我敢唔敢做一字馬，做咪做囉，但嗰晚贏，運氣都好重要。」
問杜挺豪有何心得？他說：「要裝備自己，上台有自信，談吐淡定啲，又要有足夠睡眠，做吓facial、做運動、飲多啲水，最緊要唔驚瘀，唔好成日諗住攞獎，其實喺外國日日都有唔同嘅選舉，nobigdeal啫。」
自嘲衰自大
在選港男前，昂藏六呎的梁浩楷曾擔任模特兒，故當時被視為黑馬之一，最後卻名落孫山，敗於有「翻版竹野內豐」之稱的冠軍戴展國手上。作為過來人，梁浩楷說：「我覺得參加得就千祈唔好怕醜，臉皮要夠厚，唔好緊張，要有自信，但嗰時我衰自信心過龍，衰自大得滯，搞到個格有啲衰。」梁浩楷更表示參賽者應聽教聽話，切勿做出反叛行為。
對於前港男落選者「鋤泥版利兆天」鄔恒通再戰無綫「香港先生」選舉，梁浩楷笑說：「我唔知人哋個選舉點玩法，騎呢佢入硬，正常嘅就窄窄哋啦。」
採訪：朱倬誼
攝影：陳偉權
