鄭融最近以「小腰精」的形象擔任纖體產品代言人，須躺在約五千隻紅辣椒上拍照，她在鏡頭前擺出不少S形甫士，展示二十三吋小蠻腰，十分惹火。
鄭融近日接拍了纖體產品「椒腰瘦」廣告，為了展示纖腰的美態，她穿上露腰裝示人，又不時在鏡頭前擺出S形甫士，十分性感。在多個造型當中，最特別是她躺在一大堆紅辣椒上的一個，鄭融日前在電話中說：「影相嘅時候，工作人員喺地下鋪咗幾箱紅辣椒，然後叫我瞓上去，我覺得個構思好靚。」
拍完腰痠背痛
問鄭融可有參考最愛擺S形甫士的鄺美雲的動作，她說：「攝影師要求我喺鏡頭前擺出蛇腰甫士，扭足十個鏡頭，都幾攰，好彩我平時都有做開運動，同埋有跳舞底，所以都唔需要參考人哋嘅動作。其實呢啲S形甫士都難唔到我，不過拍完廣告都有少少腰痠背痛。」
不會刻意晒腰
至於會否在炎夏大騷本錢，鄭融說：「唔會太刻意，我不嬲都鍾意着小背心同低腰褲啦！」此外，鄭融表示稍後會拍攝新歌MV，並邀請了同經理人公司的樂壇新人劉日曦合作。
採訪：比華利
